Шығыс Қазақстан облысы әкімдігінің
денсаулық сақтау басқармасы


Шығыс Қазақстан облыстық
салауатты өмір салтын қалыптастыру орталығы

ШЖҚ КМК

Тілді таңдау

679255577

Авторизация

Сайтта кім

Қазір 14 қонақ және Бірде бір тіркелген қолданушы жоқ сайтта отыр

Сақ болыңыз! Менингокок!

Profilaktika meningokoka 08 07 2015Менингококк инфекциясы – менингококк тудыратын, ми қабырғышы қабынуымен өтетін жіті инфекциялық ауру. Менингококк инфекциясы келесі клиникалық формалармен сипатталады: жіті назофарингит, іріңді менингит, менингококцемия. Менингококцемия тез өршіген жағдайда адам бірнеше сағат ішінде өліп кетуі мүмкін. Ауру ауа-тамшы арқылы (жөтелгенде, түшкіргенде, сөйлескенде) беріледі.

Инфекция көзі – ауырған адам, әсіресе менингококкты назофарингитпен ауырғандар сыртқы ортаға қоздырғышты қарқынды таратады. Иммундық жүйесі әлі дұрыс қалыптаспағандықтан және балабақшаларда көп балалардың ортасында араласып жүргендіктен мектеп жасына дейінгі балалар осы ауруға жиі ұшырайды. Менингококк инфекциясы қыс-көктем маусымдарында болады.

Инкубациялық кезең – 2 күннен 20 күнге дейін, көп жағдайда 2-4 күн болады.

Негізгі клиникалық белгілері: дене қызуының 39,0 –ға дейін күрт көтерілуі, бастың қатты ауыруы, құсу, геморрагиялық бөртпелер, желкесі тартылу, тыныс алуы бұзылу, тежелу, есі ауысу.

Бактериялы менингит әсіресе балалар мен егде адамдарға қауіпті, балалар ересектерге қарағанда 20 есе көп ауырады. Дер кезінде дәрігерге жүгінбеген жағдайда, өлім-жітім 50 %-дан аса болады.

Облыста жыл сайын 45-55 адам әртүрлі этиологиямен менингитке күдікпен ауруханаға жатқызылады. 2015 жылдың 5 айында облыста менингококк инфекциясымен 5 жағдай тіркелген, оның ішінде 14 жасқа дейінгі балалар арасында -3.

Менингококк инфекциясының негізгі алдын алу шаралары:

  1. Аурудың алғашқы белгілері біліне сала, дереу медициналық көмекке жүгіну қажет, өзін-өзі емдеумен айналыспау керек.
  2. Адам көп шоғырланған орындардан аулақ болу.
  3. Өзі де ауырып, өзгелерге де таратпау үшін жіті және созылмалы фарингит, тонзилит, ларингит сияқты мұрын-жұтқыншақ ауруларын дер кезінде емдеу қажет.
  4. Таза ауада мейлінше көп серуендеу, қоғамдық көлікте көп жүрмеу керек.
  5. Микроэлементтер және дәрумендерге бай теңгерімді тамақтану керек, спортпен айналысу керек, ағзаны шынықтыру иммунитетті көтереді.

Өкінішке орай, көптеген ата-аналар аурудың қауіптілігін түсіне бермейді де, білікті медициналық көмектен бас тартады.

Менингококк инфекциясының ауыр өтетінін ескере отырып, оның алғашқы белгілері біліне сала, өмірді сақтап қалу үшін, дереу медициналық көмекке жүгіну қажет.

Менингит қауіпті аурулардың ондығына кіреді, өте сақ болыңыздар.

Тағы ескертеміз: қолдарыңызды жуып жүріңіздер.

Жаз – демалыс және саяхат уақыты. ШҚО Тұтынушылар құқығын қорғау департаменті демалысқа аттанатындарға баратын жерлеріндегі эпидемиологиялық жағдайды алдын ала біліп алуларын ескертеді.

Кейбір елдерде менингококк инфекциясына қарсы екпе алуларын талап етеді.

Менингококк инфекциясына қарсы екпені астана, Алматы қаласында ақылы кабинеттерде алуға болады.

 

Инфекциялық және паразитарлық ауруларды эпидемиологиялық қадағалау бөлімінің бас маманы Е.Шевякова